Zjarrfikësit e Shkupit në muajin gusht kanë pasur ndërhyrje rekorde: Në një ditë 22 ndërhyrje

Shkupi

Zjarrfikësit e Shkupit në muajin gusht kanë pasur ndërhyrje rekorde: Në një ditë 22 ndërhyrje

Më: 2 janar 2022 Në ora: 09:43
Foto ilustrim

Mbi 1200 zjarrfikës vitin e kaluar ka pasur territori i Shkupit, që është përafërsisht njëjtë si në vitin 2020. Megjithatë viti 2021 do të mbahet mend me ndërhyrjet rekorde të zjarrfikësve të Shkupit ku më 5 gusht janë regjistruar 22 ndërhyrje në ditë.

Nga Njësia territoriale kundër zjarrit në Bashkinë e Shkupit theksojnë se gjatë vitit ndërhyrjet kanë qenë mesatarisht, por vetëm për dy muaj nga 15 qershori deri më 15 gusht kanë pasur 333 ndërhyrje,

“Sipas statistikave që i shohim, e mbajmë mesataren. Këtë vit nga 15.06 deri më 15.09 kemi pasur 333 ndërhyrje në territor të Shkupit dhe kur do ta shtoni edhe ndihmën që e dhamë në Staro Nagoriçane, Koçani, Pehçevë, Dellçevë, Kriva Pallanka dhe Tetovë, atëherë mund të them se këtë kapacitet që e kemi dhe me problemet me të cilat ballafaqohemi, përfundojmë vitin si të suksesshëm”, tha komandanti i Njësisë, Vlladimir Simonovski.

Krahas zjarrit, zjarrfikësit e Shkupit kanë ndërhyrë edhe në 150 aksidente dhe po ashtu kanë shpëtuar edhe persona të bllokuar në ashensor dhe kanë shpëtuar kafshë shtëpiake.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat