Janë gjetur dy vajzat nga Strumica të cilat u raportuan të humbura dje në territorin e qendrës së Shkupit. Lajmin e ka konfirmuar përmes një statusi në Facebook nëna e njërës prej vajzave, e cila ka falënderuar të gjithë ata që janë përfshirë në çfarëdo mënyre për gjetjen e tyre.
Sipas MPB-së, vajzat janë gjetur mbrëmë rreth orës 23:50 në bulevardin “Boris Trajkovski” në Kisella Vodë.
Dy vajzat janë raportuar të zhdukura pasi nuk janë paraqitur në pikën e nisjes së autobusëve për në Strumicë. Policia ka lajmëruar një mësuese që kishte ardhur me fëmijët në një ekskursion në Shkup. Pasi nuk i gjetën dot për disa orë, policia ka intensifikuar kërkimet në mbrëmje.
Ndërkohë në rrjetet sociale u publikua një video e lëvizjes së vajzave në drejtim të pishinës olimpike.
