Dy persona janë arrestuar në Elbasan ditën e sotme për vjedhje. Mësohet se një 47-vjeçar ka vjedhur një celular në një banak lokali në fshatin Labinot. Ndërsa i arrestuari tjetër është një 60-vjeçar, pasi ka vjedhur biçikelën e një të moshuari tjetër në lagjen 5 Maj.
Njoftimi i Policisë:
Drejtoria Vendore e Policisë Elbasan •Menjëherë pas 2 denoncimeve për raste vjedhjesh, Komisariati i Policisë Elbasan, në vijim të punës për garantimin e sundimit të ligjit në territor, organizoi punën dhe si rezultat, identifikoi dhe vuri në pranga autorët e këtyre 2 rasteve, konkretisht: -shtetasin E. M., 47 vjeç, banues në Tiranë, pasi mëngjesin e djeshëm, ka vjedhur 1 celular, në banakun e lokalit në pronësi të shtetasit E. F., në fshatin Labinot.
Celulari u gjet dhe u sekuestrua në cilësinë e provës materiale; -shtetasin M. F., 60 vjeç, banues në Elbasan, pasi ka vjedhur 1 biçikletë, në banesën e një 72 vjeçari, në lagjen "5 Maj".
