Tenisti i njohur australian Nick Kyrgios ka vendosur të hapë një llogari në faqen e njohur OnlyFans. Ai njoftoi hapjen e profilit të tij përmes një videoje të publikuar në kanalet sociale.
“Kjo është e ardhmja. Unë kam folur drejtpërdrejt me fansat e mi prej vitesh dhe e di se çfarë duan të shohin. Sigurisht, do të përfshihen tenis me topa, këshilla, truket dhe prapaskenat, por ata gjithashtu do të shohin të gjitha anët e ndryshme të mia. Loja, tatuazhet, ana intime e imja”, tha Kyrgios.
OnlyFans është një platformë me pagesë për ndarjen e videove dhe fotove përmes së cilës krijuesit e përmbajtjes mund të fitojnë para përmes abonimeve të përdoruesve në profilet e tyre.
Politikat e tij të pakufizuara e kanë bërë atë platformë shumë të popullarizuar në sektorin e argëtimit për të rritur edhe pse ai ka lloje të ndryshme përmbajtjesh dhe jo vetëm përmbajtje erotike ose pornografike.
“Ata po revolucionarizojnë mediat sociale dhe unë doja të isha pjesë e saj. Atletët nuk mund të shfaqen më vetëm në fushë, ne duhet të paraqitemi edhe në internet. Unë dua të krijoj, prodhoj e drejtoj edhe përmbajtjen e asaj që do të publikoj”, tha Kyrgios.
