Zjarrfikësi Avni Ameti: Falë kolegëve zjarri u lokalizua me sukses, shpëtuam prej dëmeve më të mëdha

Tetova

Zjarrfikësi Avni Ameti: Falë kolegëve zjarri u lokalizua me sukses, shpëtuam prej dëmeve më të mëdha

Më: 30 maj 2022 Në ora: 17:38
Zjarri në Tetovë

Zjarrfikësi Avni Ameti nga Njësiti Territorial kundër Zjarreve në Tetovë, ka bërë të ditur se së bashku me kolegë nga disa qytete të tjera, kanë intervenuar të shuajnë zjarrin në objektin depo tashmë të ish kombinatit të duhanit në Tetovë, duke mos lejuar që zjarri të përhapet në dy objekte fqinje.

Të dy objektet përdoren nga një kompani private që prodhon materiale ndërtimi.

“Brenda ka materiale që digjen lehtësisht dhe janë të vështira për t’u shuar. Kjo është arsyeja pse ka kaq shumë tym. Janë dy objekte dhe një sallë e madhe e cila digjet dhe po luftojmë në shuarje totale të zjarrit në këtë zonë, që zjarri të mos përhapet”, tha Ameti.

Dy kolegë të tij u asfiksuan nga tymi gjatë punës dhe kanë marrë ndihmë mjekësore, ndërsa një zjarrfikës ka mbetur i plagosur.

“Ai u rrëzua dhe plagosi njërën këmbë”, tha Ameti.

Sipas tij, është një ndihmë e madhe që kanë ardhur edhe kolegë nga qytetet e tjera dhe po ju dalin në ndihmë.

“Materialet e djegura janë hequr me ndihmën e punonjësve. Kemi hedhur shumë ujë dhe po hidhet shkumë për fikjen e zjarrit nga një cisternë e siguruar nga aeroporti TAV dhe kompania OKTA. Me ndihmën e gjithë aparaturave dhe kolegëve, zjarri tashmë është lokalizuar dhe uroj që kjo të përfundojë deri në fund të ditës, tha Ameti.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat