Një konflikt, i cili ka shkuar deri në përdorimin e armëve është regjistruar pasditen e djeshme në një qendër tregtare në Tiranë.
Dy persona, me motor janë përleshur me rojet e sigurisë. Të dy palët kanë nxjerrë armët dhe kanë qëlluar, por deri më tani nuk raportohen të lënduar.
Dëshmitarë nga vendngjarja shprehen se pati disa të shtëna. Siç shihet edhe nga pamjet e mëposhtme, një nga rojet e nxjerr armën dhe e drejton lart.
Ende nuk dihen shkaqet e këtij konflikti, por policia nuk ka patur asnjë reagim.
