57 viktima për 1 javë nga Covid, rekord mban Tirana, si kanë vijuar shtrimet

Tirana

57 viktima për 1 javë nga Covid, rekord mban Tirana, si kanë vijuar shtrimet

Më: 16 tetor 2021 Në ora: 18:19
Foto ilustrim

Për një javë (9 -16 tetor) janë shënuar 57 viktima nga COVID në vendin tonë. Shifra më e lartë ditore e viktimave këtë javë është shënuar me 15 tetor, kur kanë ndërruar jetë 10 qytetarë, kurse më e ulëta sot me 3 humbje jete.

Sa i përket të shtruarve në spitale numri i tyre ka ardhur duke u ulur gjatë mesit të javës, por është rritur sërish ditën e sotme.

Transmetueshmëria e lartë e virusit dhe mutacioni Delta ka bërë që të preken gjithnjë e më shumë edhe të rinj të pavaksinuar. Në mesin e viktimave dominojnë moshat e mesme, ndërsa kryesojnë të moshuarit. 95% e viktimave janë të pavaksinuar kanë deklaruar më herët ekspertët e Komitetit Teknik të Ekspertëve.

Tirana vijon të mbaje numrin më të lartë të infektimeve me 3036 te tillë, e ndjekur nga Durrësi me 745, Fieri 663 dhe Shkodra me 502. Tirana mban rekord jo vetëm për numrin e të infektuarve por edhe për viktimat si pasojë e COVID.

Rastet pozitive që nga fillimi i pandemisë janë 177,536, kurse aktivë me COVID në të gjithë vendin janë  6,289 pacientë.

Bilanci nga 9 tetor deri më sot:

9 Tetor 2021

6 humbje jete

169 pacientë të në spita;

475 qytetarë të infektuar

10 Tetor 2021

9 humbje jete

164 pacientë në spital

2827 testime- 325 të infektuar

11 Tetor 2021

9 humbje jete

161 pacientë në spital

195 qytetarë të infektuar

12 Tetor 2021

6 humbje jete

160 pacientë në spital

501 qytetarë të infektuar

13 Tetor 2021

5 humbje jete

161 pacientë në spital

508 të infektuar

14 Tetor 2021

9 humbje jete

153 pacientë ne spital

495 të infektuar

15 Tetor 2021

10 humbje jete

146 pacientë në spital

441 qytetarë të infektuar

16 Tetor 2021

3 humbje jete

158 pacientë në spital

428 qytetarë të infektuar

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat