I kërkuar nga policia italiane, arrestohet në Tiranë 43-vjeçari, trafikant droge

Tirana

I kërkuar nga policia italiane, arrestohet në Tiranë 43-vjeçari, trafikant droge

Më: 26 tetor 2021 Në ora: 13:41
Foto ilustrim

Një 43-vjeçar i shpallur në kërkim nga policia italiane është arrestuar në Tiranë.

Shtetasi F.Rr., akuzohet për trafikim droge, ndërsa Gjykata e Genovas në Itali ka lëshuar urdhërin e arrestit ndërkombëtar për veprën penale “Trafik i drogës”.

“Shërbimet e Komisariatit të Policisë Nr.5 si rezultat i shkëmbimit të vazhdueshëm të informacioneve mes ZQK Interpol Tirana, bënë të mundur kapjen dhe arrestimin me qëllim ekstradimin drejtë Italisë të shtetasit F. Rr, 43 vjeç, banues në Tiranë.

Arrestimi i këtij shtetasi u bë pasi Gjykata e Genovas, Itali, ka lëshuar urdhërin e arrestit ndërkombëtar, për veprën penale “Trafik i drogës”, parashikuar nga Kodi Penal Italian”, thuhet në njoftimin e policisë.

Tashmë kanë nisur procedurat për ekstradimin e këtij shtetas drejt Italisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat