Erion Veliaj: Presim t’i fitojmë 50 milionë në ditë nga “Sunny Hill

Tirana

Erion Veliaj: Presim t’i fitojmë 50 milionë në ditë nga “Sunny Hill

Më: 15 qershor 2022 Në ora: 16:38
Erion Veliaj

Kryebashkiaku i Tiranës, Erion Veliaj, është shprehur i entuziazmuar që festivali “Sunny Hill” nga Prishtina vendosi të zhvendoset në Tiranë.

Veliaj bëri të ditur lokacionin se ku do të mbahet festivali, e që do të jetë te fushat përreth Liqenit artificial të Tiranës.

Ai tha poashtu se nga organizimi i “Sunny Hill” pret që Tirana të përfitojë diku rreth 50 milionë euro.

“Ato 20 milionë euro që ekonomia e Tiranës i gjeneron në ditë normale pres që t’i dyfishojë në ditët e festivalit “Sunny Hill”, unë parashikoj që do të kemi një injeksion ekonomik kur mendoj vaktet, hotelet, taksitë, pra është një zinxhir ekonomik patjetër rreth 40-50 milionë shtesë në Tiranë”, tha ai.

Organizatorët e festivalit “Sunny Hill” dje njoftuan se pas zvarritjeve në përgjigje për dhënien në shfrytëzim të hapësirës së festivalit vendosën që edicionin e sivjetëm ta mbajnë në Tiranë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat