Avionët amerikanë që transportojnë armë bërthamore fluturojnë sot mbi Tiranë

Tirana

Avionët amerikanë që transportojnë armë bërthamore fluturojnë sot mbi Tiranë

Më: 22 gusht 2022 Në ora: 11:29
Foto ilustrim

Forcat ajrore të Shteteve të Bashkuara, njoftojnë se dy avionë bombardues “Stratofortress” të skuadriljes 23, që operojnë në bazën RAF Fairford në Mbretëria e Bashkuar, do të kryejnë sot një fluturim në kuotë të ulët në disa vende të Evropës Juglindore.

Në njoftim bëhet me dije se qëllimi i këtij fluturimi është të demonstrojë përkushtimin e ShBA-së ndaj aleatëve dhe partnerëve të NATO-s të vendosur në Evropën Juglindore.

“Për më tepër, kjo do t’u ofrojë qytetarëve mundësinë për të bërë foto, video dhe për të shijuar aeroplanin që fluturon pranë”.

Avionët do të fluturojnë mbi ndërtesën e qeverisë së Maqedonisë së Veriut në Shkup, në Sheshin Skënderbej në Tiranë, bregut të Malit të Zi, dhe në Dubrovnik të Kroacisë.

Oraret kur pritet të kalojnë bombarduesit:

Shkup   2:35-2:45 p.m.

Tiranë  2:50- 3:00 p.m.

Mali i Zi 3:05-3:15 p.m.

Kroaci    3:10-3:20 p.m.

“B-52H Stratofortress” është një avion bombardues që mund të fluturojë në distanca të largëta dhe mund të kryejë një sërë misionesh. Bombarduesi është i aftë të fluturojë me shpejtësi të lartë nën sonike dhe në lartësi deri në 15 mijë e 166 metra. Ai mund të transportojë armë bërthamore, si dhe raketa të llojeve të ndryshme të precizionit të lartë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat