Tava e Gjakovës me perime dhe mish – Receta e drekës

Ushqime

Tava e Gjakovës me perime dhe mish – Receta e drekës

Më: 15 shkurt 2021 Në ora: 11:31
Foto ilustrim

Ky gatim shoqërohet me sallata të freskëta të stinës, e sidomos me zahiretë tradicionale siç janë turshitë e ndryshme.

Një recetë e vjetër dhe specialitet i hershëm i kuzhinës kosovare, tipike e zonës së Gjakovës. Fantastik në shije dhe e pasur në përbërës dhe vlera ushqyese gjithashtu

Kuzhina gjakovare është me nam për shijen e saj teksa kërkon mjeshtërinë e amvisave në përgatitjen e gatimeve të ndryshme.

Ky gatim shoqërohet me sallata të freskëta të stinës, e sidomos me zahiretë tradicionale siç janë turshitë e ndryshme.

Përbërësit

4-5 thela mish viçi

Dy kunguj të njomë

Dy patëllxhanë mesatarë

2-3 karrota

3 speca jeshilë

1 spec djegës

4-5 kokrra qepë

1 kg domate

6-7 thelpinj hudhra

Kripë

Piper i zi

Piper i kuq

Majdanoz i freskët

4-5 lugë gjelle vaj ulliri

Përgatitja

Si fillim pastrojmë copat e mishit dhe i vendosim në një tenxhere me ujë. I vendosim në zjarr dhe i lëmë të ziejnë sa të marrin një valë.

Ndërkohë nisim të presim me rradhë të gjithë perimet.

Grijmë qepët përmes një thike të mprehtë dhe i vendosim në një tjetër tenxhere, shtojmë vaj ulliri dhe i vendosim në zjarr duke i kaurdisur.

Në vijim grijmë hollë specin djegës si dhe specat jeshilë.

I shtojmë në tenxheren ku po kaurdisim qepët.

Më pas shtojmë karrotat e grira në kubikë dhe i kaurdisim të gjitha bashkë.

Shtojmë kungulleshkat e prera në kubikë si dhe patëllxhanët duke i kaurdisur të gjithë bashkë derisa volumi i tyre të bjerë.

Ndërkohë, domatet e grira, i kriposim pak, u hedhim pak vaj ulliri, hudhrat, pak piper të zi dhe të kuq,  majdanoz të grirë hollë, i vendosim në një tavë dhe i fusim në furrë duke i trazuar herë pas here.

Domatet i lëmë në furrë përreth 30 minuta.

Më pas, perimet i shtojmë në tavën me domate dhe i përziejmë të gjitha bashkë, e provojmë për kripë nëse është në masën e duhur.

Heqim tenxheren e mishit nga zjarri dhe copat e mishit i vendosim në tavë.

Tavës i shtojmë një gotë me lëngun e mishit dhe e fusim të piqet në furrë. Pas pjekjes mund t’i shtoni edhe erëza të tjera të freskëta sipas preferencës.

comment Për komente lëvizni më poshtë
Më të lexuarat
Sot mund të lexoni Shfletoni kopertinat