Patate furre me erëza, pjata ideale në këto ditë të ftohta

Ushqime

Patate furre me erëza, pjata ideale në këto ditë të ftohta

Më: 25 janar 2022 Në ora: 17:55
Foto ilustrim

Përbërësit: 1 kg patate të vogla (me lëkurë të hollë), 5 gjethe sherbelë, 1 lugë gjelle rozmarinë të freskët (fletët), 3 thelpinj hudhër, 1 lugë kafeje piper të zi (ose sipas dëshirës), 6 lugë gjelle vaj ulliri dhe kripë.

Përgatitja: Në një tenxhere të madhe, hedhim ujë, i shtojmë kripë dhe e lëmë të ziejë.

Kur uji të ketë marrë valë, shtojmë patatet dhe i lëmë të ziejnë jo më shumë se 10 minuta. Më pas, patatet i hedhim në ujë të ftohtë dhe pasi janë
ftohur i heqim prej andej dhe i lëmë të kullojnë. I presim katër pjesë të barabarta.

Në një robot kuzhine grijmë sherbelën, rozmarinën, piperin, kripën e trashë dhe hudhrën. I përziejmë erëzat me vajin e ullirit dhe i trazojmë në një tas derisa të bëhet një masë kremoze. Më pas, shtojmë patatet dhe i trazojmë mirë, në mënyrë që erëzat dhe vaji të shpërndahen përgjatë gjithë sipërfaqes së patateve. I futim në furrë dhe i pjekim për rreth 30-40 minuta në temperaturë 200 gradë C. Shërbehen të ngrohta.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat