Ushqimi pikant është i shëndetshëm, por nëse vuani nga këto sëmundje mund të jetë i rrezikshëm

Ushqime

Ushqimi pikant është i shëndetshëm, por nëse vuani nga këto sëmundje mund të jetë i rrezikshëm

Më: 16 qershor 2022 Në ora: 00:50
Foto ilustrim

Qe kush nuk duhet të hajë këto ushqime!

Ushqimet pikante kanë shumë përfitime shëndetësore, por nuk ndikojnë njësoj te të gjithë njerëzit.

Ushqimi pikant është shpesh objekt polemikash në shoqëri. Ndërsa disa thonë se është shumë i dëmshëm për shëndetin, adhuruesit e ushqimit pikant e mbrojnë me forcë atë.

Ushqimet pikante shkaktojnë reaksione në organizëm dhe se çfarë do të jenë ato varet nga gjendja e përgjithshme shëndetësore e individit.

Nëse keni qenë të shqetësuar nëse ushqimi pikant që krijon ndjesi djegieje në fyt dhe në gojë është i dëmshëm për shëndetin, përgjigjja është jo, por jo gjithçka është kaq e thjeshtë.

Ushqimet pikante janë të shëndetshme, por vetëm nëse edhe trupi është i shëndetshëm. Më saktësisht, nëse nuk janë të pranishme gjendjet në të cilat shfaqen efekte anësore.

Kjo do të thotë se ushqimet pikante nuk duhet të konsumohen nga personat që vuajnë nga depresioni, tretja e vështirësuar, sindroma e zorrës së irrituar, sëmundja e Crohnit, urthi dhe hemorroidet.

Përfitimet e ushqimeve pikante

Sa i përket anëve të mira të kapsaicinës, përbërësit aktiv që i bën specat dhe barishtet e caktuara që i përdorim si erëza të nxehta, ato janë gjithashtu të pranishme. Kapsaicina përshpejton qarkullimin e gjakut dhe zgjeron enët e gjakut, gjë që parandalon formimin e mpiksjes së gjakut.

Kur jeni të ftohur, kjo substancë mund t’ju ndihmojë të merrni frymë dhe të ndiheni më mirë për momentin për shkak të qarkullimit të përshpejtuar, si dhe është e mirë edhe për zemrën.

Përveç kësaj, studimet tregojnë se kur hani ushqime pikante, temperatura e trupit tuaj rritet, e cila nga ana tjetër stimulon metabolizmin tuaj dhe rrit djegien e yndyrës deri në 16%. Si rezultat, trupi juaj djeg kalori më shpejt.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat