Asgjësohen 25 shpendë në fshatin Aliban: Nuk do të lejohet tregtimi i gjësë së gjallë në këtë zonë

Vlora

Asgjësohen 25 shpendë në fshatin Aliban: Nuk do të lejohet tregtimi i gjësë së gjallë në këtë zonë

Më: 29 mars 2022 Në ora: 12:39
Foto ilustrim

Pas shfaqjes së gripit të shpendëve në një fermë oborri, janë asgjësuar 25 shpendë në fshatin Aliban të Vlorës.

Groposja është kryer në zonën e përcaktuar nga bashkia Vlorë dhe njësia administrative Novoselë.

Rasti me grip shpendësh u evidentua një ditë më parë, ndërsa është vendosur asgjësimi i tyre dhe karantimi i zonës. Njëkohësisht si edhe konfirmohet, nuk do të lejohet tregtimi i gjësë së gjallë të shpendëve në zonë.

Adila Kojdheli, kreu i veterinarisë në Vlorë ka konfirmuar se ky është rasti i parë ndërsa deri më tani nuk ka raste të tjera të evidentuara në qarkun e Vlorës.

Mjeku veterinar tregon edhe rreziqet apo mënyrën e përhapjes ndërsa i referohet rastit në Vlorë dhe konkretisht në fshatin Alibean.

Gripi i shpendëve ka shënuar kështu edhe një rast në qarkun e Vlorës, ndërsa është vendosur asgjësimi i tyre.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat