Tragjedia në Crans-Montana VS, dy franceze tregojnë për arratisjen nga bari pas shpërthimit

Tragjedia në Crans-Montana VS, dy franceze tregojnë për arratisjen nga bari pas shpërthimit

Më: 1 janar 2026 Në ora: 12:49
Foto nga vendngjarja

Emma dhe Albane, dy vajza të reja franceze, shpëtuan nga bari “Le Constellation”, siç treguan për televizionin BFMTV. “Mbretëronte panik i plotë, të gjithë po bërtisnin.”

Të dyja raportojnë se zjarri nisi nga një “qiri ditëlindjeje”, i vendosur mbi shishe të shampanjës nga kamarieret.

Dera e daljes ishte shumë e vogël për turmën, dhe një dritare u thye për të shpëtuar njerëzit. “Flakët ishin vetëm një metër larg nesh.”

Zjarrfikësit dhe policia mbërritën “brenda pak minutash”. Një grua u shty nga turma poshtë shkallëve dhe u lëndua në gju.

Gruaja shprehen se aty ndodheshin rreth 200 persona, përfshirë edhe të mitur, në moshën 15 deri 20 vjeç.

Victoria, një tjetër franceze që ishte aty, përshkroi shkakun e zjarrit kështu: Një qiri magjik mbi një shishe shampanje ndezi tavanin kur një grua, e mbajtur mbi supe nga një tjetër, mbajti shishen shumë lart. Flakët sipas Victorias u përhapën “shumë shpejt”.

comment Për komente lëvizni më poshtë
Më të lexuarat
Sot mund të lexoni Shfletoni kopertinat