Haradinaj priti në takim njohës ambasadorin e ri britanik në Kosovë - Bota Sot
Haradinaj priti në takim njohës ambasadorin e ri britanik në Kosovë

Aktuale

Haradinaj priti në takim njohës ambasadorin e ri britanik në Kosovë

Më: 5 shtator 2019 Në ora: 15:55
Nicholas Abbott dhe Ramush Haradinaj

Kryeministri në detyrë i Kosovës, Ramush Haradinaj, ka pritur në takim njohës, ambasadorin e ri britanik në Kosovë, Nicholas Abbott, të cilit i ka uruar mirëseardhje në pozitën e tij për një mandat disa vjeçar në vendin tonë.

Gjatë takimit, Haradinaj e informoi ambasadorin Abbott për progresin e Kosovës, të arritur deri më tani, për proceset që po kalon vendi si shkuarja në zgjedhje, nevojën e forcimit të institucioneve demokratike, rritjen e mirëqenies së qytetarëve, thellimin e reformave në vend dhe konsolidimin ndërkombëtar të Kosovës.

Haradinaj e ka falënderuar ambasadorin e ri britanik për mbështetjen e vazhdueshme që Britania, i ka dhënë dhe vazhdon t’i jap Kosovës në shumë fusha në të gjitha etapat e shtetndërtimit të saj, dhe ka kërkuar nga ai mbështetjen e mëtejme për proceset nëpër të cilat po kalon Kosova.

“Ndihma dhe angazhimi i Britanisë së Madhe është i nevojshëm për Kosovën dhe ky partneritet duhet të avancohet edhe në fusha të tjera, në interes për të dyja vendet”, tha Haradinaj.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...