Pas tërmetit shkatërrues në Shqipëri ku la të vdekur 26 persona e qindra të tjerë të lënduar, në Kosovë janë mobilizuar fuqishëm për t’iu dalë në ndihmë të mbijetuarëve.
Lëvizja Vetëvendosje ashtu edhe shumë grupe e qytetarë të tjerë kishin filluar aksionin për grumbullimin e ndihmave, e ky aksion do të vazhdoj edhe sonte.
Në Vushtrri, Lëvizja Vetëvendosje ka njoftuar se sonte në ora 21:00 do të vazhdoj aksioni për grumbullimin e ndihmave në zyrën e Lëvizjes Vetëvendosje.
Naim Bunjaku nga ky subjekt politik thotë se, përveç veshmbathjes mund të kontribuojnë qytetarët edhe më pako ushqimore dhe higjienike sanitare.
Postimi i plotë:
Të dashur qytetarë
Ju njoftojmë se grumbullimi i ndihmave për të prekurit nga tërmetet në Shqipëri do të vazhdojë përsëri sot nga ora 09:00 deri në orët e vona të mbrëmjes në zyrën e Lëvizjes VETËVENDOSJE! në Vushtrri.
Përveç ndihmave në rroba e veshmbathje, mund të kontribuoni poashtu edhe me pako ushqimore dhe higjienike sanitare.
Pika grumbulluese:
Zyra e Lëvizjes VETËVENDOSJE! në Vushtrri
Rruga "Arsim Muzaqi" nr.17
Afër qebaptores "Han Hallall"
Dhimbjet i përballojmë bashkë!
