Deri tre ditë më parë Mitrovica e Jugut nuk ishte e prekur nga Covid-19. Por, në ditën e fundit të Prillit, një punëtore e një super maketi në këtë qytet që vjen nga fshati Rekë, rezultoi pozitive.
E pasi iu morën mostrat kontakteve të saj, rezultoi se persona ishin infektuar.
Njeri nga personat që ka rezultuar pozitiv në testin për Covid-19 , po del të jetë edhe i fejuari i të infektuares së parë nga ky qytet.
Madje të dy së bashku kanë punuar në një nga supermarketet në Mitrovicë.
Ai për T7 ka treguar se si e ka kuptuar që është infektuar.
Ndërkohë, ai foli për gjendjen e tyre shëndetësore.
IKSHPK tani ka filluar të testoj edhe rastet e kontaktit të familjes nga fshati Rekë.
E ani pse tashmë janë konfirmuar këta persona të prekur, banorët atje kanë vazhduar normalisht lëvizjet e tyre.
Ndërkohë gjatë së dielës janë testuar disa persona nga ky fshat , të cilët janë duke pritur rezultatet.
Ndërkohë, një banor i këtij fshati thotë se ditë më parë pati kontakte me njërin nga familjarët.
Por që nuk është ftuar ta kryejë testimin.
E ky lajm duket se tronditi disa të afërm të infektuarve.
Ndërkohë, asnjë nga familjarët e të 27 vjeçare nga Mitrovica nuk kanë rezultuar pozitiv.
Testimin e kanë kryer edhe gjithë punëtorët e supermarketit ku punonin dy të infektuarit por të gjithë kanë dalur negativ.
Ndërkohë, këto raste i ka konfirmuar edhe kryetari i kësaj Komune Agim Bahtiri.
Deri më tani në pjesën jugore të Mitrovicës, janë konfirmuar 6 raste me Covid 19.