Ministrja e punëve të jashtme, Meliza Haradinaj, ka treguar se kanë miratuar nismën Legjislative për Projektligjin për Mbrojtjen e Vlerave të Luftës së Ushtrisë Çlirimtare të Kosovës.
Vlerat e Ushtrisë Çlirimtare të Kosovës, janë filli i lirisë prej ku ne mund të nxjerrim vendime e ligje sot. Tri shkronjat e UÇK-së, para se t’i mbrojmë ne, ato kanë mbrojtur vetën dhe kombin.
Postimi i plotë në Facebook
Sapo miratuam nismën Legjislative për Projektligjin për Mbrojtjen e Vlerave të Luftës së Ushtrisë Çlirimtare të Kosovës.
Vlerat e Ushtrisë Çlirimtare të Kosovës, janë filli i lirisë prej ku ne mund të nxjerrim vendime e ligje sot. Tri shkronjat e UÇK-së, para se t’i mbrojmë ne, ato kanë mbrojtur vetën dhe kombin.
Ne vetëm mund t’u shërbejmë tash, me nderime të sinqerta, me lartësim e mbrojtje institucionale, siç e kemi obligim kombëtar e historik.
Kabinetet Qeveritare ndërrohen, legjislativët poashtu, por ajo çfarë nuk ndërrohet është historia: Ushtria Çlirimtare e Kosovës është e ndritshmja e fundshekullit që shkoi, dhe është bazament i së ardhmes së shtetit dhe e kombit që ne ëndërrojmë.
UÇK, nuk është pjesë tavolinash e politikash, nuk është as debat për opinione, por është vlerë kristal e pastër - njejtë si gjaku i dëshmorëve dhe liria që na lanë pas.
Përulësisht, para 3 shkronjave të arta!
