Ramiz Kelmendi në rolin e infektologut: Covid-19 nuk do të largohet asnjëherë

Aktuale

Ramiz Kelmendi në rolin e infektologut: Covid-19 nuk do të largohet asnjëherë

Më: 29 tetor 2020 Në ora: 10:00
Ramiz Kelmendi

Ish-deputeti Ramiz Kelmendi, është i njohur si biznesmen i suksesshëm në Kosovë, por edhe më gjerë.

Por ai së fundmi nuk ka folur si një ekonomist, por si një infektolog, me ç’rast ka thënë se nuk ka valë të dytë apo tretë të coronavirusit, por se pandemia është e përhershme.

Kelmendi thotë se Covid 19 nuk do të largohet asnjëherë nga vendi ynë dhe globi.

Postimi i tij:

Pandemia dhe veprimi infektues po rritet dukshëm tek ne në Kosove, në shtetet e rajonit dhe të BE-së

Qytetarët po keqkuptojnë virusin Covid 19 dhe veprimet që po shkakton në shëndetin e tyre.

Covid 19 nuk do të largohet asnjëherë nga vendi ynë dhe globi.
Covid 19 nuk njehë vala (vala 1, vala 2, … etj). Sa herë që respektojmë masat, shtojmë kujdesin, virusi zvogëlohet në infektim, sa herë që ne zvogëlojmë respektimin e masave, infektimi rritet vrullshëm.

Vaksina për Covid 19, nëse është sikurse e gripit sezonal, duhet aplikuar si paravaksinim – një herë për tërë jetën, një apo dy herë në vit.

Covid 19 tek personat e infektuar po lë pasoja të ndryshme. Por ende nuk e dijmë çfarë pasojash mundë të shkaktojë tekë të ri-infekruarit, nëse ndodhë!

Prandaj, nëse vazhdon të rritet numri dhe veprohet me masa radikale të mbylljes tek shtetet e rajonit, mundë të vijë deri tek mungesat ushqimore.

Qeveria dhe ne qytetarët duhet të kuptojmë se nuk kemi të drejtë të mos respektojmë masat duke i dëmtua të pafajshmit. Nuk është e drejtë të vendosim masa vetëm në hapësira të kontrolluara nga organet kompetente. Nuk kemi të drejtë të mos ruajmë distancën në familje, vende pune, restorane e vende të tjera.

Mendoj që ne si popull, kemi vetëdijesim, andaj, mos të shkaktojmë dëme tek të punësuarit e që ndikojnë edhe në vende të punës, most u shkaktojmë dëme bizneseve private, ndërmarrjeve publike dhe buxhetit të shtetitit. Të angazhohemi për respektim dhe t’ja dalim që këtë të keqe të quajtur Covid 19, ta mposhtim, minimalisht duke e menaxhuar.

Nga informacionet që kam, në Kinë janë shtuar kërkesat për prodhimtari dhe atje janë angazhuar e tërë struktura punuese, duke mbajtur distancën dhe respektuar masat, edhe pse ende nuk ka raste të reja me Covid.

Respekto, puno dhe jetoje jetën!

Me respekt;
Ramiz Kelmendi

Shfaq komentet
comments powered by Disqus
Sot mund të lexoni Shfletoni kopertinat