Më 15 janar të vitit 1999, forcat policore dhe ushtarake serbe kryen njërën ndër masakrat më të tmerrshme në vendin tonë.
21 vjet më parë në Reçak u vranë dhe u masakruan barbarisht 45 shqiptarë të paarmatosur.
Ky gjenocid, tronditi gjithë opinion ndërkombëtar. Ambasadori William Wolker, e cilësoi ngjarjen në Reçak si krim kundër njerëzimit.
Pamje të rralla pas maskares së Reçakut ka publikuar edhe Esat Shala, që njihet nga të gjithë si një arkivues i luftës së UÇK-së.
Në këto pamje, shihet Xhemajl Mustafa, ish-bashkëpunëtor i ngushtë i presidentit historik të Kosovës, Ibrahim Rugova.
Mustafa pak ditë pas masakres së kryer nga forcat serbe, para banorëve të asaj ane kishte mbajtur një fjalim, ku dënonte ashpër krimin e bërë nga paramilitarët serbë.
Kujtojmë se më 23 nëntor të vitit 2000, Xhemajl Mustafa, ish-bashkëpunëtor i ngushtë i ish-liderit të atëhershëm të Kosovë, Ibrahim Rugova ishte qëlluar për vdekje në shkallët e apartamentit ku ai jetonte.
