“Rri trus, allahile”/ Arianit Koci me një kundërpërgjigjje të fortë ndaj Ramës!

Aktuale

“Rri trus, allahile”/ Arianit Koci me një kundërpërgjigjje të fortë ndaj Ramës!

Nga: M.H. Më: 4 dhjetor 2022 Në ora: 16:54
Arianit Koci

Deklarata e kryeministrit Rama në lidhje me reagimet për lojën e Zvicrës dhe Serbisë, ka sjellur reagime të mëdha.

Për këtë deklaratë ka reaguar edhe avokati Arianit Koci.

Ai përmes një postimi në Facebook, ka kritikuar ashpër Ramën, duke e parë patetike deklaratën e tij ndaj kryeministrit Kurti, përcjell “Bota sot”.

Koci i kthen përgjigje Ramës, duke ia përmendur gjonocidin që Serbia ka bërë në Kosovë,e që për të njejtat i dim përjetimet vetëm ne në Kosovë.

Ne nuk po të gjykojmë që e ke raportin mirë me te. Me Vuçiqin. Se paku une jo!

Prandaj z. Rama, si vëlla më i madh i yni, rri trus e mos u përziej në raportet tana me serbët”, ishin fjalët e Kocit.

Postimi i plotë

1.

Një prej postimeve më kreative me dozë të theksuar të humorit i Albin Kurtit, është:

“Serbia nuk kalon. Urime Zvicrës!”

Nuk i ka badihava mbi 113k pëlqime.

Në anën tjetër, Edi Rama e paska cilësuar ndërmjet rreshtave, si shpërthim nacionalist, me primesa qesharake - “ashtu siç është nacionalizmi.”

Në rregull është me e pasë vetëbesimin e Ramës.

Por, kur ai vetëbesim përdorët edhe kur nuk e ke dijen dhe informatat adekuate, del qesharak poashtu “si nacionalizmi.”

Ne kosovarët kemi jetuar me serbët 80 vite. I njohim si “parën e kuqe”.

Edhe shprehjen “pare e kuqe”, nuk e din Edi.

Disa prej tyre, sistematikisht na kanë bërë shumë keq. Gjenocid.

Posaqërisht, Millosheviqi me klikën e tij.

E pjesë e rrethit më të ngushtë të tij - minsitër i informatave, ka qenë shoku i Edit, Vuçiqi

2.

Ne nuk po të gjykojmë që e ke raportin mirë me te. Me Vuçiqin. Se paku une jo!

Prandaj z. Rama, si vëlla më i madh i yni, rri trus e mos u përziej në raportet tana me serbët.

Nuk i njeh ata më mirë se ne.

As humorin dhe kunjat që bëjmë njëri tjetrit, nuk i din dhe nuk i merr vesh!

Prandaj, allahile lena rahat të kënaqëmi me fitorën në futboll.

Edhe një send: mos na moralizo.

E dijmë që nuk je kryeministër i Zvicrës.

E as i Serbisë!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat