Presidenti i Kosovës, Hashim Thaçi ka reaguar pas sulmit fizik që i është bërë gjatë ditës së sotme bashkëshortes së ministrit në detyrë të Zhvillimit Ekonomik, Blerand Stavileci.
Thaçi ka thënë përmes një statusi në Facebook se “ky akt barbar nuk e shqetëson vetëm familjen Stavileci, por gjithë qytetarët tanë”.
Më poshtë statusi i tij i plotë:
Shpreh keqardhje për sulmin e ulët dhe qyqar ndaj zonjës Stavileci, bashkëshortes së ministrit Blerand Stavileci.
Ky akt barbar nuk e shqetëson vetëm familjen Stavileci, por gjithë qytetarët tanë. Nga organet përkatëse kërkojmë që sulmuesit e dhunshëm sa më parë të dalin para drejtësisë.