Në mbledhjen e sotme Qeveria e Kosovës ka ndarë mjete në vlerë prej 107 mijë e 600 euro, për mbulimin e shpenzimeve të shërimit të Etnik Balajt.
Balaj nga Prizreni për probleme shëndetësore është duke u trajtuar në Turqi.
“I urojmë shërim Etnikut. Por kjo praktikë nuk guxon me u përdor ne vazhdimësi. Do te bëjmë përpjekje te krijojmë një sistem si tu qasemi rasteve në fjalë”, ka thënë Haradinaj.
Gjatë kësaj mbledhjeje të ekzekutivit u ndanë po ashtu 300 mijë euro për dërgimin e 1500 veteranëve të luftës së UÇK-së në bregdetin e Shqipërisë.
