Numri i personave të punësuar në Shtetet e Bashkuara arriti një rekord në 157,288,000 në muajin korrik, sipas raportit të punësimit të publikuar sot nga Byroja e Statistikave të Punës.
Kjo shifër sipas Shtëpisë së Bardhë në Washington, ishte rritur 283,000 nga 157 005,000 të punësuar në qershor.
Shkalla e papunësisë mbeti e qëndrueshme në korrik në 3.7 për qind, e njëjtë me atë në qershor, theksohet tutje.
Sipas raportit të punësimit, popullsia jo-institucionale civile në Shtetet e Bashkuara ishte 259,225,000 në korrik. Kjo përfshinte të gjithë personat 16 vjeç e më të vjetër që nuk jetonin në një institucion (si burg, shtëpi pleqsh ose spital të kujdesit afatgjatë).
Nga ajo popullatë civile joinstitucionale, 163,351,000 ishin në forcën e punës, do të thotë se ata ose kishin një punë ose po kërkonin aktivisht një gjatë muajit të fundit. Kjo ishte e barabartë me një shkallë të pjesëmarrjes së fuqisë punëtore prej 63.0 për qind – një rritje nga 62.9 për qind në qershor.
Nga 163.351,000 që ishin në forcën e punës, 6.063,000 ishin të papunë, duke barazuar me një shkallë papunësie prej 3.7 për qind.
157,288,000 të tjerët kishin punë, duke dhënë numrin rekord të muajit të kaluar të të punësuarve.
