Numri i automjeteve të regjistruara në Kinë pritet të kalojë mbi 300 milionë, deri në fund të 2021

Auto

Numri i automjeteve të regjistruara në Kinë pritet të kalojë mbi 300 milionë, deri në fund të 2021

Më: 22 nëntor 2021 Në ora: 11:48
Foto ilustrim

Parashikohet se numri i automjeteve të regjistruara në Kinë do të kalojë mbi 300 milionë deri në fund të vitit.

Në fjalimin e tij në Kongresin Botëror të Prodhimit të mbajtur në Hifey, kryeqyteti i provincës Anhui, zëvendës sekretari i përgjithshëm i Shoqatës së Prodhuesve të Automjeteve në Kinë (CAAM), Xi Jinhua tha se numri i automjeteve të regjistruara arriti në 297 milionë në fund të shtatorit.

Sipas tij, tregu i automjeteve pritet të rritet mesatarisht me 4 për qind çdo vit në periudhën 2021-2025.

Xi tha se ata presin që numri i automjeteve të regjistruara të kalojë 300 milionë deri në fund të 2021, transmeton Anadolu Agency.

Ndërkohë bëhet e ditur se shitjet e automjeteve elektrike në Kinë po rriten më shpejt se automjetet me benzinë dhe naftë.

Sipas statistikave, në periudhën janar-tetor, prodhimi dhe shitjet totale të automjeteve elektrike janë rritur me 1.8 herë krahasuar me të njëjtën periudhë të një viti më parë.

Në këtë periudhë, shitjet e automjeteve elektrike kapin 11 për qind të totalit të shitjeve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat