Bora dhe temperaturat nën zero po vijnë: Pyetje rreth antifrizit, përgjigjet rreth së cilave duhet t’i dini patjetër

Auto

Bora dhe temperaturat nën zero po vijnë: Pyetje rreth antifrizit, përgjigjet rreth së cilave duhet t’i dini patjetër

Më: 29 nëntor 2021 Në ora: 13:33
Foto ilustrim

Së shpejti do të kemi temperatura nën zero, të paktën gjatë natës, ndaj është koha që edhe shoferët të kontrollojnë antifrizin.

Sigurisht, niveli i antifrizit duhet: të kontrollohet rregullisht, pavarësisht nga stina; ndërrohet në kohë; por edhe të kontrollohen karakteristikat e tij nëse për ndonjë arsye duhet të shtojmë ujë, përcjell Telegrafi.

Por sa vite apo kilometra duhet të kalojnë, që të ndërrohet antifrizi?

Antifrizi “i vjetër” G11 duhet të ndërrohet maksimumi çdo 2 ose 3 vjet. G12, G12 +, G12 ++ dhe G13 më të reja mund të ndryshohen për 4 ose 5 vjet.

Megjithatë, problemi nuk është vetëm në çfarë temperature do të ngrijë.

Me kalimin e kohës, antifrizi humbet vetitë që mbrojnë motorin dhe komponentët shoqërues – ky është një problem shumë serioz, i cili mund të çojë në dështime të ndryshme, rrjedhje dhe të ngjashme.

Kështu që nuk ka nevojë të rrezikoni.

Madje, edhe nëse në ndonjë pikë servisimi u thonë se “është i mirë dhe është i qëndrueshëm deri për shembull në -15 gradë Celsius” – dhe ju e dini që nuk e keni ndërruar atë për 4 ose më shumë vite – është padyshim koha për ta bërë këtë.

Çfarë antifrizi nevojitet për makinën tuaj?

Referojuni manualit të makinës tuaj.

Nëse nuk e keni, gjeni në internet, telefononi ose shkoni te një shërbim i autorizuar, pyesni në një forum që mbledh së bashku pronarët e asaj marke.

Në thelb, çdo shërbim i autorizuar duhet të dijë se cili antifriz i përshtatet makinës suaj.

Antifrizi është në thelb pa ngjyrë, por pas prodhimit, ngjyra shtohet me kërkesë të prodhuesit (ose shitësit).

Vërtetë, në shumicën e rasteve, “lloji” i antifrizit mund të njihet në bazë të ngjyrës, por edhe atëherë kjo nuk do të thotë që antifrizi plotëson standardin e kërkuar nga prodhuesi i makinës. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat