Për dy ditë radhazi voziti nën efektin e alkoolit, në fund arrestohet kroati 67-vjeçar

Auto

Për dy ditë radhazi voziti nën efektin e alkoolit, në fund arrestohet kroati 67-vjeçar

Më: 7 janar 2022 Në ora: 15:37
Foto ilustrim

Pasi që policia e ndaloi për dy ditë radhazi të kryejë kundërvajtje në komunikacion, shoferi 67-vjeçar nga rajoni i Jasenovacit është dënuar me gjobë prej rreth 3400 euro dhe tre muaj ndalim të vozitjes.

Policia e Sisak-Moslavinës së Kroacisë njoftoi të premten se fillimisht e ndaloi shoferin në rrugën Jukinaçka në Glina, më 3 janar, duke konstatuar se i ishte marrë patentë shoferi dhe ishte nën ndikimin e alkoolit prej 0.98 promilave.

Gjithashtu u konstatua se i kishte skaduar afati i vlefshmërisë së targave dhe se automjeti ishte çregjistruar, raporton index.hr.

Ai është arrestuar dhe të nesërmen për kundërvajtje është dërguar në Gjykatën Komunale, e cila i ka shqiptuar gjobë totale prej 1400 euro dhe masë mbrojtëse prej tre muajsh me ndalimin e drejtimit të automjeteve të kategorisë B.

Të nesërmen është ndaluar sërish në zonën e Sunjit, në fshatin Drljaçe, duke drejtuar të njëjtin mjet nën efektin e alkoolit prej 0.63 promilave.

Ai u arrestua dhe u kthye në Gjykatën Komunale, e cila i shqiptoi një gjobë shtesë prej dymijë eurove.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat