Toyota Highlander 2023 ‘bëhet turbo’, ka një motor me 265 kf dhe vjen me një teknologji të re

Auto

Toyota Highlander 2023 ‘bëhet turbo’, ka një motor me 265 kf dhe vjen me një teknologji të re

Më: 11 maj 2022 Në ora: 21:26
Foto ilustrim

Toyota Highlander ka qenë crossover-i i mesëm më i shitur në Shtetet e Bashkuara për gjashtë vjet rresht dhe po merr një përditësim të rëndësishëm për vitin 2023.

Sipas mediave të huaja, ndryshimi më i madh ndodh në motor, pasi motori 3.5-litërsh V6 është zëvendësuar nga një i ri turbocharged 2.4-litërsh me katër cilindra.

Ai thuhet se prodhon 265 kf (198 kW/269 PS) dhe 309 lb-ft (418 Nm) çift rrotullues, që është një “humbje” prej 30 kf (22 kW/30 PS) por një rritje prej 46 lb-ft (62 Nm).

Kjo është disi befasuese, por Toyota tha se motori me katër cilindra është më miqësor me mjedisin pasi ofron “më shumë se 50% reduktim në [emetimet] NOx dhe NMOG, si dhe një përmirësim në emetimet e CO2 krahasuar me motorin V6 që po largohet”.

Sigurisht, konsumatorët e ndërgjegjshëm për mjedisin ka të ngjarë të zgjedhin Hybrid-in e njohur Highlander.

Ai thuhet se përmban një motor 2.5-litërsh me katër cilindra dhe dy motorë elektrikë, të cilët i mundësojnë crossover-it të ketë një fuqi të kombinuar prej 243 kf (181 kW/246 PS).

Përveç këtyre, duke kaluar në kabinë, përveç dizajnit, tani vijnë një grup instrumentesh dixhitale 12,3 inç që zëvendëson matësit e mëparshëm analog dhe ekranin 7 inç. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat