Tesla ndalon marrjen e porosive për Cybertruck jashtë Amerikës së Veriut

Auto

Tesla ndalon marrjen e porosive për Cybertruck jashtë Amerikës së Veriut

Më: 17 maj 2022 Në ora: 15:12
Foto ilustrim

Prodhuesi amerikan i automjeteve elektrike Tesla Inc ka ndaluar marrjen e porosive për kamionçinën e tij të ardhshme Cybertruck jashtë Amerikës së Veriut.

Sipas mediave të huaja, përcjell Telegrafi, prodhuesi i automjeteve po bën rezervime vetëm për Cybertruck në Shtetet e Bashkuara, Kanada dhe Meksikë.

Dhe siç vë në pah Reuters, Tesla nuk pranoi të komentojë mbi këtë çështje.

Shefi Ekzekutiv, Elon Musk ka thënë se Tesla do të nisë prodhimin e Cybertruck vitin e ardhshëm në fabrikën e saj në Austin, Teksas.

Ai tha gjithashtu se Tesla mund të ndalojë marrjen e porosive pasi kërkesa për disa nga automjetet e saj tejkalon prodhimin.

Tesla zbuloi Cybertruck në 2019. Më parë synonte të fillonte prodhimin në fund të këtij viti, por e ka shtyrë planin në tremujorin e parë të 2023.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat