​Gjermania kundërshton ndalimin e makinave me djegie të brendshme nga 2035

Auto

​Gjermania kundërshton ndalimin e makinave me djegie të brendshme nga 2035

Më: 21 qershor 2022 Në ora: 20:57
Foto ilustrim

Ministri gjerman i Financave, Christian Lindner, deklaroi sot se vendi i tij nuk do të pajtohet me një plan të BE-së që do të ndalonte shitjen e makinave të reja me motorë me djegie të brendshme nga viti 2035.

Për të reduktuar emetimet me 55 për qind nga nivelet e vitit 1990 deri në vitin 2030, Komisioni Evropian ka propozuar që deri në vitin 2034, emetimet e dyoksidit të karbonit nga makinat e reja të reduktohen në zero. Kjo de facto do të thotë ndalim i shitjes së makinave me motorë me djegie të brendshme.

Eurodeputetët mbështetën propozimin e Brukselit këtë muaj dhe tani po fillojnë negociatat me vendet e BE-së për një projektligj përfundimtar. Por, ministri gjerman i Financave tregoi një pengesë për planin.

“Do të ketë ende vend për motorët me djegie të brendshme, kështu që ndalimi është i gabuar”, tha Lindner në një tubim të organizuar nga Shoqata e Industrisë Gjermane, duke shtuar se Qeveria nuk do të pajtohet me një ligj të tillë evropian dhe se Gjermania do të vazhdojë të jetë tregu lider për automjetet elektrike.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat