Tesla do ta hapë stacionin e saj të parë të karikuesve V4 Supercharger më 15 mars. Ky stacion ndodhet në Hardrwijk të Holandës, dhe ka të instaluar 16 karikues V4 Supercharger. Edhe pse këta karikues kanë kapacitet prej 350kW, ato fillimisht do të kenë kufizim prej 250kW, dhe tani kompania konfirmoi se stacioni i ri është i hapur për veturat elektrike të të gjithë markave të tjera.
Deri më tani reagimet e përdoruesve fokusohen në faktin se V4 vije me kabllo më të gjata të karikimit. Tesla konfirmoi se kabllot kanë gjatësi prej 2.9 deri në 3 metra, e që janë deri në 1.06 metra më të gjata se karikuesit V3 Supercharger.
Dizajni i kabinës është komplet i ri, nuk ka hapësirë në mes të saj, dhe mbajtësi i kabllos është vendosur anash kabinës. V4-shi ka fuqi prej 615 ampera deri në 1,000 voltë DC – dhe teorikisht kjo do të thotë se V4-shi ka kapacitet prej 615kW, shkruan Arena EV.
Në Evropë, V4-shi vije me lidhësin CCS2, ndërsa në Amerikën Veriore ajo është e pajisur me Magic Dock, i cili ndryshon automatikisht midis lidhësit CCS2 dhe Tesla (NACS) në varësi të veturës që karikohet.
Është mirë të shohësh Tesla duke lejuar markat e tjera të përdorin teknologjinë e saj më të fundit. Ndërsa disa pronarë të Tesla-s mund të mos jenë të impresionuar nga kohët e mundshme të pritjes, në realitet, sa më shumë vende karikimi të kemi, aq më pak presim. Me V4, koha e karikimit është dukshëm më e shpejtë dhe me 16 kabina në Harderwijk, çdo pritje nuk duhet të jetë problem.
Tashmë videot e para të rishikimeve të V4 Supercharger janë ngarkuar në YouTube. Njerëzit kanë ndarë përvojat e tyre dhe është vërtet interesante të shohësh të ardhmen e teknologjisë së karikimit në veprim. Do të kalojë pak kohë përpara se V4 të bëhet një faqe e zakonshme, tani për tani, mund të shijojmë edhe përshtypjet e para të dikujt tjetër.
