Italia tha të hënën se sulmet izraelite ndaj civilëve palestinezë në Gaza nuk ishin më të justifikueshme.
Kjo vlerësohet të jetë një nga kritikat më të forta që Roma ka bërë deri më tani kundër luftës së Izraelit në enklavë.
“Ka një situatë gjithnjë e më të vështirë, në të cilën populli palestinez po shtrydhet pa marrë parasysh të drejtat e burrave, grave dhe fëmijëve të pafajshëm që nuk kanë asnjë lidhje me Hamasin dhe kjo nuk mund të justifikohet më”, tha ministri i Mbrojtjes i vendit, Guido Crosetto.
Ai për SkyTG24 TV tha gjithashtu se duhej bërë një dallim midis Hamasit, dhe popullit palestinez.
Sulmet e fundit ajrore izraelite në qytetin jugor të Rripit të Gazës, Rafah, vranë të paktën 45 palestinezë dhe plagosën dhjetëra të tjerë, sipas zyrtarëve.
Shumica e personave që u vranë ishin gra, fëmijë ose të moshuar, shkruan The Guardian.
