Presidenti ukrainas Volodymyr Zelensky ka thënë se më 30 prill ka mbajtur një sërë takimesh për çështjet ushtarake.
Adresimi më i fundit i presidentit ukrainas wshtw publikuar nw ueb-faqen e presidencws sw kwtij vendi.
“Sot pati shumë takime për çështjet ushtarake gjatë gjithë ditës – për situatën në fushëbetejë, për ofensivën e pushtuesit dhe veprimet tona – si për të prishur planet e Rusisë ashtu edhe për të arritur qëllimet tona. Pati një raport nga Oleksandr Syrskyi, komandant – Shefi i Forcave të Armatosura të Ukrainës, dhe unë dhe Rustem Umierov, Ministri i Mbrojtjes, diskutuam gjithashtu furnizimet me armë dhe komunikimin me partnerët”, tha Zelensky.
Zelenskyy theksoi se Ukraina ka nevojë për një përshpejtim të konsiderueshëm të shkallës së shpërndarjes së furnizimeve, dhe se iniciativa ukrainase duhet të dominojë në vijën e parë – jo bombat ruse dhe operacionet sulmuese.
“Ne po llogarisim në shpejtësinë e furnizimeve nga Shtetet e Bashkuara – furnizime që duhet të reflektohen në logjistikën e shkatërruar të pushtuesve, në frikën e tyre për t’u vendosur kudo në territorin e pushtuar, si dhe në forcën tonë – forcë që duhet të dëshmohet në frontin e Pokrovsk, si dhe në frontet Kurakhove, Sivershchyna, Kupiansk… në jug të vendit kudo ku Rusia po ushtron presion dhe kudo që mund të ketë kërcënime të reja sulmi”, shtoi presidenti ukrainas.
Ai u informua edhe nga Denys Shmyhal, kryeministër i Ukrainës. Ata diskutuan gjithashtu detajet e furnizimeve me armë. Zelenskyy falënderoi gjithashtu kryeministrin çek Petr Fiala për përshpejtimin e zbatimit të nismës së artilerisë.
