Studim: Dieta me fruta, perime dhe kafe mund t’iu mbrojë nga demenca

Dieta

Studim: Dieta me fruta, perime dhe kafe mund t’iu mbrojë nga demenca

Më: 21 nëntor 2021 Në ora: 23:44
Foto ilustrim

Studimi i ri ka zbuluar se ndjekja e një diete të pasur me lëndë ushqyese të mbushur me fruta, perime dhe kafe mund t’iu ndihmojë të mbroheni nga zhvillimi i demencës.

Një studim i udhëhequr nga profesorë në Universitetin Kombëtar të Athinës ndoqi afërsisht 1 mijë njerëz të moshës 70 vjeçare dhe ekzaminoi marrjen e ushqimit të tyre.

Hulumtimi zbuloi se e treta e vullnetarëve që hëngrën më pak nga ushqimet e lartpërmendura kishin tre herë më shumë gjasa të zhvillonin demencë gjatë tre viteve që u gjurmuan, krahasuar me një të tretën e vullnetarëve që hëngrën më shumë nga ato ushqime, shkruan The Independent.

Dietat e konsumuara nga grupi që u konsiderua si më i shëndetshmi përfshinin mesatarisht nga tre racione fruta dhe perime çdo ditë, si dhe katër racione fasule çdo javë.

Përveç kësaj, ata konsumuan rreth 11 filxhanë kafe gjatë një jave.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat