Drithëra dhe fruta të thata në formë çokollate

Dieta

Drithëra dhe fruta të thata në formë çokollate

Më: 23 maj 2022 Në ora: 17:47
Foto ilustrim

Zëvendësoni çokollatat me drithëra dhe fruta të thata në formën e tyre. Receta e sotme është snack-u më i shëndetshëm që mund të mbani në çantë, për çdo rast.

Përbërësit:

1/2 filxhan fiq të thatë të prerë në copa të vogëla
1/2 filxhan kajsi të thata të prera në copa të vogëla
1/2 filxhan mjaltë
3 lugë vaj kokosi
1/2 filxhan boronica të thata
2 filxhanë tërshërë
1 filxhan kikirikë
1/2 filxhanë fara luledielli
1/2 filxhan copa çokollate
1 filxhan çereale (pa sheqer)
1/4 filxhan sheqer
1 lugë të vogël vanilje
1/4 lugë të vogël kripë

Përgatitja:

Në një tepsi vendosni tërshërën, kikirikët dhe farat. Pasi ta mbuloni me një letër, vendoseni në furrë dhe piqeni për 10-12 minuta, duke përzierë herë pas here.

Njëkohësisht përzieni mjaltin me vajin dhe sheqerin në një tigan, derisa sheqeri të shkrijë.

Përzieni frutat e thata në blender.

Më pas shtoni në to edhe përzierjen e sheqerit dhe vazhdoni përzierjen.

Vendosni të gjithë përbërësit në një enë, shtoni masën e krijuar në blender dhe përzieni mirë me dorë.

Vendoseni të gjithë masën në nje tepsi duke i dhënë formën e duhur.

Piqeni për 25 minuta.

Pas pjekjes lëreni të ftohet dhe me një thikë prisni në formën e çokollatave.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat