Tentoi të vjedhë portën e shkollës së dëmtuar nga tërmeti, prangoset hajduti serial në Durrës

Durrësi

Tentoi të vjedhë portën e shkollës së dëmtuar nga tërmeti, prangoset hajduti serial në Durrës

Më: 18 nëntor 2021 Në ora: 16:31
Foto ilustrim

Policia e Durrësit ka arrestuar autori i dyshuar të disa vjedhjeve të kryera në këtë qytet.

Shtetasi E. S., 29 vjeç është prangosur pasi ka tentuar që të vjedhë portën e një shkolle të dëmtuar nga tërmeti.

“Specialistët për Hetimin e Krimit në DVP Durrës arrestuan në flagrancë për veprën penale "Vjedhja", shtetasin E. S., 29 vjeç, banues në Durrës, pasi ka tentuar të vjedhë portën e një shkolle të dëmtuar nga tërmeti. Nga veprimet hetimore të kryera, ky shtetas dyshohet të jetë autor i 4 vjedhjeve të tjera të ndodhura më parë.” – bën me dije policia.

Vjedhjet e kryera nga ky shtetas:

-Më datë 16.09.2021, në lagjen nr. 17, Durrës, dyshohet se ka vjedhur disa vegla pune në një karburant;

-Më datë 18.09.2021, në lagjen nr. 16, Durrës, dyshohet se ka vjedhur disa orendi shtëpiake në banesën e një shtetaseje;

-Më datë 30.09.2021, në lagjen nr. 17, Durrës, dyshohet se ka vjedhur disa materiale hekuri në një firmë; 

-Më datë 11.11.2021, në lagjen nr. 16, Durrës, dyshohet se ka vjedhur një telefon dhe një shumë parash në mjetin e një shtetasi.

Materialet kaluan në Prokurorinë e Rrethit Gjyqësor Durrës dhe Prokurorinë e Rrethit Gjyqësor Krujë, për veprime të mëtejshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat