Autoriteti Portual Durrës me anë të një njoftimi zyrtar ka bërë me dije se janë anuluar gjithë lundrimet e planifikuara mbrëmjen e sotme nga porti më i madh në vend në drejtim të brigjeve italiane.
Gazetarja Klodjana Haxhiaj ka raportuar për BalkanWeb se ky ndalim ka ardhur si pasojë e kushteve të paqëndrueshme të motit të cilat pritet të përkeqësohen në orët në vijim.
Njoftimi i plotë:
Si pasojë e motit të paqëndrueshëm që ka përfshirë rajonin e Adriatikut, ju informojmë se,:
📌𝗟𝗶𝗻𝗷𝗮 𝗗𝘂𝗿𝗿𝗲̈𝘀-𝗕𝗮𝗿𝗶:
⚠️Trageti “Rigel VII” do ta shtyjë lundrimin drejt Barit për në orën 8:00 të mëngjesit të nesërm, dt.18.1.2023(Imbarkimi i pasagjerëve do të bëhet mbrëmjen e sotme).
⚠️Trageti “GNV Blu” anulon lundrimin drejt Barit dhe rikthehet në linjë ditën e nesërme.
📌𝗟𝗶𝗻𝗷𝗮 𝗕𝗮𝗿𝗶/𝗔𝗻𝗸𝗼𝗻𝗮-𝗗𝘂𝗿𝗿𝗲̈𝘀:
⚠️Kompania “Adria Ferries” njofton se si pasojë e motit të përkeqësuar edhe në krahun tjetër të Adriatikut dhe kushteve jo të favorshme për lundrim, anulohen nisjet nga Bari për Durrës me tragetin “AF MARINA” dhe nga Ankona për Durrës me tragetin “AF CLAUDIA”.
⚠️Ndërsa kompania “Venturis Ferries” bën të ditur se trageti “Rigel III” do të niset nga Bari në orën 8:00 të ditës së nesërme, dt.18.1.2023.
Ju faleminderit!
