Zyrtarët britanik përsëri kanë paraqitur planin urgjent për evakuimin e familjes mbretërore në rast të trazirave të mundshme me daljen e Britanisë nga Bashkimi Europian.
“Këto planë për evakuim egzistojnë që nga lufta e ftohtë, por tani mund të shfrytëzohet në rast të trazirave që mund të ndodhin nga qytetarët nëse ndodh Brexit’i pa ndonjë marrëveshje”, shkruan Sunday Times duke u bazuar në burime të fshehta Brenda kabinetit të kryeministres Theresa May.
Ata gjithashtu kanë folur edhe për planin për shpërnguljen e familjes mbretërorë, përfshirë edhe Mbretëreshën, në një vend të sigurtë jashtë Londrës.
Deputeti konservator dhe mbështetësi i Bregzit’it, Jacob Rees-Mogg, ka thënë se planet shfaqën një panik të panevojshëm midis zyrtarëve për shkak të mundësisë që Britania të largohej nga BE pa asnjë marrëveshje.