Udhëheqësit e Bashkimit Evropian mund të mos arrijnë marrëveshje sot lidhur me planin për rimëkëmbje ekonomike si pasojë e përhapjes së Covid-19.
Kështu ka bërë të ditur kancelaria gjermane, Angela Merkel, në ditën e tretë të negociatave, shkruan Reuters.
Gjermania dhe Franca si dy faktorët kryesorë të BE-së, janë në kërkim të një marrëveshje për një paketë të rimëkëmbjes ekonomike prej 1,8 trilionë eurosh për të shpëtuar ekonomitë e bllokut që po përballen me një ndër krizat më të rënda ekonomike që nga Lufta e Dytë Botërore.
Pas dy ditësh negociata, disa shtete të pasura të udhëhequra nga Holanda nuk janë treguar të gatshme që të tërhiqen nga kërkesat e tyre për shkurtesa në pako, kështu duke thelluar ndarjen veri-jug brenda BE-së.
“Ka shumë vullnet të mirë, por edhe shumë qëndrime të ndryshme. Unë do të bëj çdo përpjekje, por ka mundësi që mos të ketë rezultate”, ka thënë Merkel.
