Presidenti francez Emmanuel Macron njoftoi një referendum për të shtuar luftën kundër ndryshimit të klimës dhe nevojën për të ruajtur mjedisin në Kushtetutën Franceze, raporton AP.
Duke folur të hënën përpara një grupi qytetarësh të ngarkuar me bërjen e propozimeve për çështje të lidhura me klimën, Macron propozoi një ndryshim në kushtetutë që kërkon një votim parlamentar, dhe më pas një referendum.
Ai pranoi se Franca nuk bën sa duhet për të qenë në përputhje me angazhimet e saj të lidhura me klimën që synojnë frenimin e ngrohjes globale. Francës po i mungojnë synimet e saj kombëtare që ishin vendosur nën Marrëveshjen e Parisit 2015 dhe vendi ka shtyrë shumicën e përpjekjeve të saj deri pas këtij viti.
