Një rast me variantin e ri të coronavirusit regjistrohet edhe në Finlandë

Evropë

Një rast me variantin e ri të coronavirusit regjistrohet edhe në Finlandë

Më: 28 dhjetor 2020 Në ora: 16:17
Foto ilustrim

Finlanda është bërë vendi i fundit që konfirmon një rast të variantit të ri të COVID-19 që u identifikua për herë të parë në Mbretërinë e Bashkuar.

Të hënën, zyrtarët konfirmuan se të paktën një shtetas finlandez që ishte kthyer kohët e fundit nga Mbretëria e Bashkuar rezultoi pozitiv gjatë fundjavës.

Sipas agjencisë së lajmeve AP, individi dhe familja e tij është vendosur në izolim.

Ndërkohë, Reuters njoftoi se kishte dy raste të variantit të ri të COVID-19 në Finlandë.

Lajmi vjen pasi edhe Koreja e Jugut njoftoi për tri raste të llojit të ri, që thuhet se është 70 për qind më i transmetueshëm.

Raste të ngjashme janë konfirmuar në disa vende evropiane, njashtu edhe në Kanada dhe Japoni. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat