Zjarrfikësi kujton fjalët e fundit të Princeshë Dianës

Evropë

Zjarrfikësi kujton fjalët e fundit të Princeshë Dianës

Më: 22 qershor 2021 Në ora: 23:29
Princesha Diana

Një ndër ngjarjet më enigmatike është vdekja e princeshë Dianës që nuk harrohet dhe pas kaq shumë vitesh.

Një ndër personat e parë që ndihmoi Princeshën pas përplasjes së saj fatale në Paris, ishte një shef zjarrfikësish i cili ka rrëfyer për herë të parë fjalët e fundit që i tha ajo.

Rreshter Xavier Gourmelon tha për mediat e huaja se kur ai arriti në vendin e aksidentit në gusht të vitit 1997, Diana ishte ende duke lëvizur dhe duke folur.

“Ajo foli në anglisht dhe tha: ‘O Zot, çfarë ka ndodhur?’ Unë mund ta kuptoja, kështu që u përpoqa ta qetësoja atë. Unë po i mbaja dorën,” tha Gourmelon, i cili dha deklarata në polici, por kurrë më parë nuk ka folur për mediat.

Kujtojmë se përplasja në një nënkalim la menjëherë të vdekur shoferin Henri Paul si dhe të dashurin e ri të Dianës, Dodi Fayed.

Shefi i zjarrfikësve kujton se Princesha dukej fizikisht mirë përveç një shpatulle të dëmtuar. Ai shprehet se nuk e kishte idenë se po përpiqej të shpëtonte një princeshë dhe vetëm pasi ajo u mor me një ambulancë, ai zbuloi se kush ishte nga një kapiten në vendngjarje.

“Ai më thotë se kush ishte ajo. Po, unë e njihja, por në atë moment nuk e njoha,” -tha ai për tabloidin.

Image
Aksident
Shfaq komentet
comments powered by Disqus
Sot mund të lexoni Shfletoni kopertinat