Ora policore e vendosur në Barcelonë dhe në pjesën më të madhe të rajonit turistik të Katalonjës, për të menaxhuar valën e re të pandemisë COVID-19, u zgjat sërish sot edhe për dy javë.
Gjykata i dha dritën jeshile zgjatjes deri më 20 gusht të këtij shtetrrethimi, në fuqi nga ora 01:00 deri në 06:00, në 176 bashki nga 163 më parë.
Kjo është zgjatja e tretë e kësaj mase, e ndërmarrë në mes të korrikut për të përballuar shpërthimin e rasteve në këtë rajon, veçanërisht në mesin e atyre nën 30 vjeç, të cilët janë ende shumë pak të vaksinuar.
Përtej orës policore, autoritetet katalanase kanë marrë edhe masa të tjera, të tilla si mbylljen e diskotekave në hapësira të mbyllura, mbylljen e të gjitha aktiviteteve të natës në orën 00:30, si edhe kufizimin e takimeve në 10 persona në hapësira publike dhe private.
