Kur një Airbus A330, avion luftarak francez fluturoi në lartësi të ulët në Paris, të shtunën, qytetarët që e panë u shqetësuan, pasi ishte pikërisht në përvjetorin e sulmeve të 11 shtatorit në Amerikë.
“Dukej si një shpërthim, ne nuk e dinim nëse ishte rrëzuar”, tha një banor për BFMTV, duke vënë në dukje se në 20 vjetorin e sulmeve të 11 Shtatorit në SHBA “natyrisht që ne mendojmë për këtë!”.
Në fakt, Airbus ishte përfshirë në një stërvitje, me kryeministrin Jean Castex në bord.
Zyra e tij tha se avioni luftarak Rafale kishte kryer një stërvitje, shkruan BBC, trasmeton Klankosova.tv.
Pamjet e incidentit u postuan në internet nga banorët, përfshirë edhe këtë i cili shprehu shqetësimin për “këtë marrëzi të avionëve luftarakë”.
Zyra e Castex tha se ai ishte në Airbus për shkak të “përgjegjësive të tij në çështjet e mbrojtjes kombëtare”.
Ministrja e Forcave të Armatosura Florence Parly ishte gjithashtu në bord.
Avioni ushtarak ishte përdorur kohët e fundit në evakuimin e civilëve nga aeroporti i Kabulit në Afganistan.
Të dy avionët u ulën në bazën ajrore Vélizy-Villacoublay, në jug-perëndim të Parisit, të shtunën pasdite, pikërisht kur përkujtimet e 11 Shtatorit po mbaheshin përtej Atlantikut.
