Norvegjia dënon arrestimin e dy gazetarëve nga autoritetet e Katarit

Evropë

Norvegjia dënon arrestimin e dy gazetarëve nga autoritetet e Katarit

Më: 25 nëntor 2021 Në ora: 09:32
Foto

Norvegjia është shprehur e zemëruar pasi dy gazetarë televizivë u arrestuan në Katar, ku raportonin për kushtet e punës në stadiume para turneut të Kupës së Botës të vitit të ardhshëm.

Gazetarët e NRK-së, Halvor Ekeland dhe Lokman Ghorbani u mbajtën në burg për mbi 30 orë, ndërsa pamjet që ata mblodhën nga një kamp pune emigrantësh u fshinë.

Qeveria e Katarit ka akuzuar gazetarët e NRK-së për “shkelje të pronës private dhe filmim pa leje”.

Por kryeministri norvegjez Jonas Gahr Støre është përgjigjur duke deklaruar se arrestimi i tyre ishte “i papranueshëm”.

Ministria e Jashtme e Norvegjisë ka thirrur gjithashtu ambasadorin e Katarit në Oslo.

NRK është një transmetues publik norvegjez që është media më e madhe në vend, shkrun Euronews.

Unioni Norvegjez i Gazetarëve dhe Federata e Futbollit të vendit kanë kritikuar ndalimin e gazetarëve.

Katari është përballur me një kontroll të shtuar mbi trajtimin e punëtorëve migrantë pasi fitoi të drejtën për të pritur turneun e ardhshëm.

Vendi kundërshton me forcë kritikat, duke thënë se ka reformuar ligjet e tij të punës dhe ka futur një pagë minimale.

Norvegjia kishte mbajtur një votim në qershor për bojkotimin e mundshëm të Kupës së Botës 2022, por kjo u refuzua nga shoqata e futbollit të vendit.

Norvegjia nuk është kualifikuar për turneun dhe ka veshur fanella në një ndeshje kualifikuese në mars duke shprehur shqetësimin për të drejtat e njeriut në Katar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat