Aksidenti në minierë, gjendet një i mbijetuar

Evropë

Aksidenti në minierë, gjendet një i mbijetuar

Më: 26 nëntor 2021 Në ora: 15:35
Rusi

Një zyrtar i lartë lokal tha se ekipet e kërkimit kanë gjetur një të mbijetuar në një minierë qymyri në Siberi, ku dhjetëra minatorë dyshohet se kanë humbur jetën pas një shpërthimi të gazit metan. Lajmi u njoftua në aplikacionin e mesazheve Telegram nga Sergei Tsivilyov, guvernatori i rajonit të Kemerovës, ku ndodhet miniera. Ai tha se minatori "ishte dërguar në spital".

Autoritetet thanë gjithashtu se ishin gjetur edhe gjashtë trupa, çka e çon në 20 numrin e të vdekurve të konfirmuar. Tridhjetë e një persona vazhdojnë të rezultojnë ende të zhdukur. Zoti Tsivilyov tha se nuk ka gjasa të gjenden të mbijetuar të tjerë, duke e bërë numrin e dyshuar të të vdekurve si pasojë e incidentit, 51.

Ky duket të jetë aksidenti më vdekjeprurës që ka ndodhur në miniera në Rusi që nga viti 2010, kur si pasojë e dy shpërthime të gazit metan dhe një zjarri, gjetën vdekjen 91 persona në minierën Raspadskaya, në të njëjtin rajon, atë të Kemerovës.

Faqja e pavarur e lajmeve ruse, Meduza, raportoi se këtë vit autoritetet kishin pezulluar punën në disa seksioneve të minierës nëntë herë. Nga inspektimet e minierës të kryera në muajin prill janë konstatuar mbi 100 shkelje, përfshirë shkelje të rregullave të sigurisë nga zjarri.

Zyrtarët e zbatimit të ligjit thanë gjithashtu të premten se minatorët ishin ankuar për nivelin e lartë të metanit në minierë./VOA

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat