Opinioni publik ne Greqi është shokuar përsëri nga një vrasje tjetër e një gruaje nga bashkëshorti i saj.
Vrasja e 14 e një gruaje brenda këtij viti ka ndodhur në qytetin e Selanikut në lagjen Polihni.
Çifti në fjalë me prejardhje nga Armenia kishin edhe një djalë 20 vjeç.
Bashkëshorti 49 vjeç është dorëzuar mbrëmjen e së dielës në polici duke pranuar krimin.
Kur kanë shkuar në vendin e ngjarjes hetuesit kanë gjetur viktimën 48 vjeç në shtrat me dy plage ne gjoks të shkaktuara nga goditjet me thike, ndërsa është gjetur edhe vete mjeti i krimit.
Sipas dëshmive të para nga fqinjët, vrasësi kishte probleme psikologjike, ndërsa në deponimet e para në polici ka deklaruar se e vrau të shoqen pasi e tradhtonte. Mësohet se ai e ka goditur tetë herë me thikë në gjoks dhe në këmbë.
