Skocia regjistron 6 raste të reja me variantin Omicron

Evropë

Skocia regjistron 6 raste të reja me variantin Omicron

Më: 29 nëntor 2021 Në ora: 10:41
Foto ilustrim

Qeveria skoceze ka bërë të ditur se janë identifikuar gjashtë raste pozitive me variantin më të ri të COVID-19, Omicron.

Gjurmimi i kontakteve, siç shkruan BBC, po bëhet për të përcaktuar origjinën e virusit dhe për të gjetur çdo person tjetër me të cilët gjashtë personat që rezultuan pozitivë kanë pasur kontakt javët e fundit.

Organizata Botërore e Shëndetësisë ka thënë se varianti i ri i COVID-19, Omicron, fillimisht është identifikuar në Afrikën e Jugut, ku zyrtarë nga ky shtet thanë se 90 për qind e rasteve të reja janë me variantin Omicron, që ka numër të madh të mutacioneve.

“Pacientët kryesisht ankohen për dhimbje trupi dhe lodhje dhe këto simptoma ne i kemi hasur te pacientët e rinj, jo te personat më në moshë”, ka deklaruar për BBC, Angelique Coetzee nga Shoqata e Mjekëve të Afrikës së Jugut.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat