Boris Johnson raportohet në polici për shkeljen e masave

Evropë

Boris Johnson raportohet në polici për shkeljen e masave

Më: 4 dhjetor 2021 Në ora: 11:55
Boris Johnson

Kryeministri i Britanisë së Madhe, Boris Johnson, është raportuar në polici nga deputetët e opozitës për shkak të dyshimeve për shkeljen e masave kundër koronavirusit.

Deputetët e Partisë Laburiste në opozitë pretendojnë se në ndërtesën e qeverisë janë mbajtur të paktën dy ndeja gjatë kufizimeve të vitit të kaluar, raportoh The Guardian.

Deputeti opozitar, Neil Coyle, i shkroi komisioneres së policisë metropolitane, Cressida Dick, për t’i kërkuar hetim të raportimeve se kryeministri ka folur në një ndejë për pensionimin e dikujt në nëntor dhe gjithashtu ka lejuar një ndejë të stafit për Kërshëndella në dhjetor.

Në atë kohë, në Britani kishte në fuqi masa kufizuese për socializim. Pasi e dërgoi letrën në polici, deputeti Coyle tha: “Unë besoj se ata e kanë shkelur ligjin. Shumica e kolegëve të mi i ndoqën rregullat; ata që nuk e kanë bërë këtë janë përballur me ndëshkime.”

“Johnson nuk është mbi ligjin, pavarësisht vetautorizimit të vet të kapardisur”, shtoi deputeti i opozitës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat